�mislegt

Maður kemst ekkert áfram í lífinu nema taka áhættu. Ég þori því yfirleitt ekki. Ég eyddi mörgum mánuðum í fyrra í bið og óvissu af því ég þorði ekki að taka af skarið með dáldið, en svo þegar ég loksins gerði það þá leið mér alveg ótrúlega vel, þrátt fyrir að svarið sem ég fékk væri ekki það sem ég hafði vonað. Þetta síðasta sumar sá ég líka hvað ég var að eyða mikilli orku í að bíða og vona, og eftir þetta svar ákvað ég að ég skyldi ekki festast í sama farinu aftur. Stundum koma hlutirnir út eins og þú óskaðir, stundum ekki. Og þá er ekkert annað að gera en að halda áfram og lifa lífinu, þú ert allavega búin að gera það sem þú getur og restinni geturðu ekki breitt. Þannig er nú það:)

Ég þoli ekki gatið á fimmtudögum. Það er enginn hér. Og ef ég hefði ekki bætt þessum eina áfanga inn í töfluna þá væri ég búin núna... En svona er þetta...
Fór á búðaráp eftir skóla í gær. Fyrir þá sem ekki vita finnst mér verulega erfitt að finna á mig buxur og skó. Auk þess sem ég er frekar nísk manneskja og tími yfirleitt ekki að kaupa mér föt sem kosta meira en 5000 krónur... Var samt mjög ánægt manneskja þegar ég labbaði út úr kringlu með þrennar buxur og skó... Brunaði síðan heim og fékk mér e-ð að borða áður en við frænkur skruppum upp á spítala að heimsækja frænda okkar. Þaðan fórum við svo í matarboð og ég svo beint á kóræfingu. Eftir kóræfingu fór ég inn í Kópavog að ná í Sísu og við fórum á Gaukinn. Hittum þar hann Sveinbjörn og fórum í billjard við hann, en ég gafst nú fljótlega upp (ég er drulluléleg í þessu!) og fór frekar og talaði við Sindra og vini hans um hvort hann Ronaldo væri hommi eður ei. Við Sindri erum sammála, höldum að þetta sé bara rugl í Arthúri! Vitum að þetta er bara rugl í honum!:) Það var allavega gaman á bjórkvöldi og margt skemmtilegt að sjá...

Nú er mér illt í báðum höndum. Skar mig til blóðs á skápunum í matsölunni núna áðan og svo labbaði Hjalti á mig og sjóðandi heita kakóið mitt heltist á hina höndina... Hann sagðist ekki hafa séð mig, hahaha...;) Ég þurfti að láta renna kalt á höndina, eins og það sé ekki nógu kalt hérna alltaf fyrir... MH er kaldur skóli. Það er alltaf kalt hér. Ég fór nú samt út í snjókast í gær... það var gaman:) Það hefðu að vísu mátt vera fleiri, en við Fannsi skemmtum okkur ágætlega:)