Enn einn langur póstur...

Djöfull held ég að ég sé leiðinleg... Allavega kommentar enginn... Ekki fyrr en ég hóta að hætta eða e-ð, þá fæ ég alltaf komment! Ég hef svo sem prófað að hætta, en það virkaði ekki... Hætti í sumar þegar alltof margir vissu orðið af blogginu og mamma var farin að kommenta á ballbloggin, hvort ég hefði e-ð rifist við lögguna á þessu balli líka og þannig... En það virkaði ekki lengi og ég fann mér nýja slóð...

Allavega. Ég vaknaði í nótt. Og fór út í bíl og keyrði inn í Hafnarfjörð. Þar hitti ég stelpurnar, Mörtu, Sísu og Bryndísi, settist upp í bílinn hennar Brynku og við keyrðum til Keflavíkur. Með Mörtu í flugvélina og Sísu í skólann. Nú er Marta flutt til Póllands. Og það er rosalega skrítið, ég er einhvern veginn ekkki búin að átta mig alveg á því held ég. Við þrjár fórum aftur út í bíl með tárin í augunum, tókum rúntinn um Keflavík, enduðum í FS og svo fórum við Bryndís aftur í bæinn. Þetta var ástæða þess að ég var mætt í skólann klukkan hálfátta en þurfti ekki að fara í tíma fyrr en 10... Lagðist á nokkra stóla og breyddi úlpuna yfir höfuðið til að reyna að útiloka birtuna, en það er erfitt að sofna uppi á Miðgarði.

Frönskutímar eru furðulegir. Tíminn í dag fór nánast allur í umræður um trúar og pólítísk tákn, hvort rétt væri að banna t.d. múslímskum konum að ganga með slæðu eins og gert er í Frakklandi, og svo um kynlíf. Fimmtudagstímarnir eiga að fara í að hlusta á dægurlög og stúdera lagatexta og ljóð, og núna erum við í Edith Piaf, sem lifði náttla afar vafasömu og kynlífsríku lífi...

Hver er galdurinn til að fá komment? Langir textar eða margir stuttir? � maður að passa sig á að blogga ekki þegar maður er fúll eða þreyttur?

Stelpan við hliðina á mér er búin að fá 8 sms á 20 mínútum. Ég vildi að ég væri svona vinsæl. Ég er búin að fá 26 sms síðustu viku. Það er munur að vera komin með Sony Ericson og geta séð þetta allt á einum stað;) Það er líka myndavél á honum... Annars týndist hann áðan! Sjitt hvað ég var hrædd! Ég leitaði og leitaði, fór til Kents og fékk lykla að stofu 42 til að athuga hvort hann væri þar, hljóp að prentaranum þar sem ég hafði hjálpað Lilju e-ð, en fann hann hvergi. Ég var næstum farin að gráta þegar Hjalti kom eins og engill með símann, sem hann fann akkúrat við tölvurnar. Ég hafði ekki séð hann, en Hjalti fann hann á notime! Lilja hló dáldið að mér út af þessu...

Sjitt, ég er að fara á dansnámskeið í kvöld með strák sem ég þekki ekkert... Kristrún og Bryndís ætluðu báðar og voru náttla með herra, en mig vantaði. Svo auglýsti Gunni á NFMH, og til að geta farið með stelpunum þá svaraði ég. Nema hvað, svo eru stelpurnar báðar búnar að beila á mér, tíma ekki eða gleymdu að skrá sig. Svo ég er að fara ein á dansnámskeið þar sem ég þekki ekki einu sinni herrann minn!:-S

Það er enginn á borðinu mínu á fimmtudögum. Bryndís mætir bara í fyrsta tíma, Fannsi í síðasta, í dag er Kristrún veik, Sísa er náttla í FS, Marta útskrifuð, Edda á �talíu, svo í dag erum við búin að vera, á þessum tveimur borðum; ég, Einsi, Hjalti, Ellen og �na. Kannski ágætt að venjast þessu fyrir næstu önn, þegar Fannsi, Bryndís, Ellen, �na, allir(!) verða útskrifaðir, nema ég, Hjalti, Kristrún, Einsi og svo Edda sem verður komin aftur. Og í fyrra voru sjaldan færri en 15 á borðinu! Þegar við bættum við í orminn held ég að við höfum prjónað 15 nöfn...

Bara eitt enn áður en ég hætti; ég er komin í sumarfrí 2.maí! Er ekki neinu lokaprófi! Og er samt með 21 einingu!:D Bæði franska 603 og 113 eru próflaus, Enska 403 og 433 próflaus, íslenska 353 og svo yndislestur, saga 263 og fjallganga! Held að ég sé ekki að gleyma neinu... Hins vegar opnar hótelið ekki fyrr en mánaðarmótin maí/júní, svo hugsanlega leita ég að vinnu hér í bænum í maí... Það verður allavega megavika á dominos og mér skilst að þau leiti alltaf að fólki sem getur unnið alla megavikuna, kannski bætist ég bara við dominosgengið? Kemur allt í ljós, fyrst er allavega afmælið mitt...