Komin aftur...

Já, þið þurfið ekki að örvænta, ég er snúin aftur með mína blogggleði endurnýjaða eftir gott jólafrí. Sést á þessari löng setningu...;) Fríið var nokkuð gott! Mikið etið og drukkið, allt of mikið ef ég á að segja satt... � aðfangadag keyrði ég jólasveinana um sveitina og hlaut að launum mandarínu! Svo var hið venjulega jólastress, allir að passa heita vatnið svo það nægði öllum og þannig... Takk allir fyrir jólagjafir og kort! Ég sendi engin jólakort í ár, lét jólasmsin nægja, vonandi fengu þau sem flestir þrátt fyrir númeraskort minn... Svo voru veislur og fjárhús og fjós, allt þetta næstu daga... Fram að áramótum! Þá var brenna og flugeldar og alles! Skaupið var nú bara nokkuð gott og allir gátu hlegið að einhverju, sem er ekkert sjálfgefið með 20 manns á öllum aldri...

Eftir áramót var svo brunað á ball, sem er náttla sérkapítuli fyrir sig! Ég keyrði út að Núp þar sem ég settist inn í rútu og heilsaði upp á e-ð af gamla liðinu, og svo Sigrúnu og Hjalta. Svo fórum við á Hvolsvöll og dönsuðum alla nóttina (ég var komin heim um hálfsjö...)! En vá hvað það var líka gaman! Nánast allur gamli bekkurinn frá Hvolsvelli, krakkarnir undan fjöllunum, bara næstum allir! Og það skemmdi ekkert að Bryndís, Sísa og Hjalti mættu, þó ég þyrfti að kippa Sísu frá einum strák...;) Setningu kvöldsins kom pottþétt frá Óla Landeyingi (líka þekktur sem Óli á Búlandi, eða Óli eilíen...) þegar hann studdi hönd á öxlina á mér, horfði í augun á mér og spurði ósköp sakleysislega, "má ég nokkuð reyna við þig?" Hvað get ég sagt? Við Brynja stóðum þarna saman og hlógum okkur hásar...:-Þ

já, ég sé að margir hafa gert árið upp á síðum sínum. Það ætla ég líka að gera. En fyrst ætla ég að fá mér að borða...