Uppgefin

Fjallgangan í dag var mjög... athyglisverð... Ég er strax farin að hlakka til þeirrar næstu! (A.t.h, þetta er alls ekki kaldhæðni!) Hélt mig með Sísu og Bryndísi, og samræður okkar voru fjörugar, um margskonar málefni og þó aðalega einskonar málefni... Halló, við erum stelpur, auðvitað töluðum við um stráka og stelpumál...;) Svo fékk Leifur að koma inn í samræðurnar öðruhvoru, þegar hann annað hvort hélt í við gönguhraðann okkar eða fór ekki alltof hratt. � rútunni spjölluðum við svo við kennarana og Krissa um blogg og kennara...

Svo fór ég í matarboð til Gerards frönskukennara ásamt hinum úr FRA113. Borðuðum mjög góðan norður-afrískan mat! Og drukkum ýmist vatn eða rósavín með. Útfrá því hófust umræður um að ef áfengisaldurinn væri 18 ár væru kennarar kannski frekar að gefa nemendum áfengi í veislum, allavega í lokaáföngum þar sem allir væru orðnir 18 ára... Gerard er náttla franskur, og það er eins og útlensku kennararnir séu mun léttari á þessu, því úti er það náttla algengt að drekka vín með mat, allt niður í 13 ára krakkar! Og Ugla sagði að mamma hennar gæfi nemendum sínum í háskólanum stundum hákarl og brennivín! Maja kom með þá spurningu afhverju kennarar gæfu ekki pínu áfengissopa fyrir próf, þá væru nemendur ekki eins stressaðir, en við vorum fljótar að átta okkur á að það færi illa með stafsetninguna...

Eftir að hafa kvatt á Garðastrætinu fór ég svo beint í danstíma. Og dansaði foxtrott, salsa, tsjatsjatsja og línudans... Og þaðan var ég bara að koma, harðsperrurnar frá fjallgöngunni eru að byrja að gera vart við sig, og þar sem Lilja var að klára að tannbursta ætla ég í bað...:)

Til sönnunar ofangreinds parts um áfengi og stafsetningu ætla ég að hafa smá getraun hér:
Hvað stendur (eða átti að standa) í þessum sms-um? Verðlaun í boði...

1. Gaukui!nn tu åttir ad vera her og eg ffkk maloinghu fritt..

2. Hva- hvvaf frud thvifg!;)

Og þetta eru ekki tilbúin dæmi heldur raunveruleg...