Idol

Kominn tími á að skrifa e-ð hér í staðinn fyrir að sökkva sér í þunglyndi vegna breytingaskorts á blogginu.... Fór í Smáralind í dag með Kristrúnu og Rúnari. Þar vorum við m.a. að versla fyrir helgina, og rákumst á nokkrar Idolstjörnur að undirbúa eftirpartý fyrir kvöldið...;) Hittum líka Einar Þór og Ara í sömu innkaupum og röltum svo með þeim í Lindinni. Ég fann árshátíðarkjól sem verður minn eldsnemma í fyrramálið! Jess!!! Enduðum á Subways og fórum svo bara fljótlega heim... Ekkert djamm í kvöld þar sem annað kvöld er svo planað að ég veit ekki hvað! Tvö partý! Sé til hvort ég kemst til Ingós áður en þau fara niður í bæ, eða hvort ég held mig hjá Kristrúnu...

Var að horfa á Idolið og fannst þátturinn bara fínn! Reyndar er staðan orðin þannig að allir sem ég vildi að dyttu út eru farnir, svo ég verð að stóla á hvern þátt...
Þetta fannst mér samt svona persónulega:
Heiða: Engin spurning að hún er góð, en ég var ekkert hrifin af henni núna. Hún var einhvern veginn ekki nógu lifandi, en hún klikkaði náttla ekkert frekar en vanalega...
Davíð: Hann er svakalegur! Mér finnst hann æði! Bæði í rokkinu og ballöðunum! Einn sá besti flutningur á laginu sem ég hef heyrt!
Helgi: Eins og ég er hrifin af gaurnum þá var þetta sjálfsmorð! Lee Ann Rimes? Engan veginn...
Hildur: Hildur er karakter. Hún er algjör dúlla, og með rosalega góða rödd! Og hún klikkaði engan veginn í kvöld! Að mínu mati besta frammistaða kvöldsins!
Lísa: Náttla ekki alveg hlutlaus hér, en mér fannst hún samt bara þrælgóð! Fattaði ekki alveg pælinguna við lúkkið fyrr en hún var útskýrð fyrir mér, en fannst hún bara standa sig ágætlega!
Ylfa: mér finnst Ylfa vera með LANGflottustu röddina í keppninni! Hún er svo full og þétt og svo ótrúlega falleg! Ég tek alveg undir með dómurunum um að hún var í pínu veseni efst, en gæsahúðin sem ég fékk á fyrstu tónunum slær það alveg út! Þvílík rödd!!!

Miðað við frammistöðu þá á Helgi að detta út, engin spurning. Hann á hins vegar fullt fullt af aðdáendum enda þrælmyndarlegur strákur, ungur og hress! En eins og ég segi þá eru allir sem mér var "illa" við dottnir út og ég held upp á restina svo ég veit ekkert hverjir fara niður með honum... Vona bara að það verði ekki Lísa...