Jólaball...

Já, þá er þetta magnaða jólaball NFMH liðið! Og sjitt hvað þetta var kreisí gaman!!! Dagurinn fór dáldið mikið í undirbúning, allavega eftir söngtímann um miðjan daginn... Ég meina, laaangt freyðibað, hárblásari, krullujárn, stress, sokkabuxur, meira stress, þetta tekur allt sinn tíma! Meirihlutinn af stressinu átti sér líka ástæðu... Fyrst fattaði ég að það voru ekki til sokkabuxur, svo var jólasveinahúfan í minna lagi, bolurinn sem mamma sendi að austan var ekki kominn og þannig... Ég var búin að hringja niður á póst, og það var einhver pakki á leiðinni að Kristnibraut 51, en þau gátu ekki séð nafnið. Pakkar eru bornir út á milli 17 og 22, og yfirleitt eru þeir komnir hingað um fimmleitið. En nei, svo leið og beið og ég var orðin verulega stressuð þegar ekkert var komið klukkan hálftíu! Korter í 10 hringdi hins vegar dyrabjallan og ég hljóp fram, nota bene: komin í sokkabuxur, stígvél, stutt pils, búin að mála mig, slöngulokka í hárinu og með jólasveinahúfu... Rétt mundi eftir að smeygja yfir mig stuttermabol, var næstum farin á móti gaurnum á brjóstahaldaranum...

Brunum yfir í partýið. Það var fámennt en góðmennt, nokkrir krakkar og Eyrnalangur. Þar var staupað tequila, kapteinn, skálað í freyðivíni til heiðurs nýju partýpleisi (íbúðinni hennar Sísu... fresita stendur fyrir sínu...;) og svo nokkrir bjórar. Þar áttu sér einnig stað mjög miklar umræður um Eyfellinga og ágæti þeirra og hreyfanleika, auk þess sem nokkrar ógleymanlegar setningar komu fram. Þeirra verður ekki minnst hér, þetta var svona, jú had tú bíðer... Það skal þó réttilega koma fram að mamma mín stendur á tveimur fótum. Og hafiði það! :-p

Ballballball.... Jú, auðvitað var serían á sínum stað, og svo var ég með sólgleraugun mín svona öðru hverju... Jæja, hluti af ballinu fór nú í leit, en þegar það mál var komið á hreint var tjúttað... Óskar Guðjónsson er ótrúlega sexý! Hann tók í höndina á mér...:-D En, það voru nú líka sætir strákar á mínum aldri þarna á ballinu sko...:-p Segi samt ekkert meir um það í bili...

Ég barði Sindra. Hann tók húfuna mína, fór með hana upp og lét einhvern strák fá hana. Ég þekkti húfuna, strákurinn gaf mér hana aftur, og ég fór og sló Sindra utanundir nokkrum sinnum... Fór svo niður og fór að dansa... Marta og Hjalti fóru um tvö leitið, en þegar ég ætlaði að fara að elta þau, (hvort þau ætluðu að skilja mig eina eftir?) sagði Marta að ég væri nú ekkert ein og bannaði mer nánast að elta...

En já, ballið var bara frábært! Það fyndnasta var örugglega þegar Marta pikkaði í ónefndan aðila og mig, ég pikkaði í hann og hann fór að, tja, dansa við mig, svo tók ég niður sólgleraugun með skrítinn svip og þessi ónefndi aðili varð nokk vandræðalegur og færði sig aðeins fjær... hann þekkti mig ekki með gleraugun...:-D