Þegar tveir koma saman...

Já, veraldarvefurinn hefur ekki virkað hérna undanfarnar vikur (heppilegt að það gerist þó allavega í prófunum...) en nú ætti að það vera komið í lag:) Þá get ég farið að segja frá atburðum síðustu daga...:-) Þetta verður samt ekki neinn svona "í dag gerði ég þetta og í gær hitt" texti, því ég fór t.d. á mjög svo undarlegt djamm um daginn...
En já, prófin öll búin og ég er verulega fegin... Svo voru jólatónleikar Graduale Nobili á laugardagskvöldið og gengu líka bara svona ljómandi vel! Fengum ótrúlega góða gagnrýni sem má sjá hér.
Eftir tónleikana og nokkur stopp víða um Reykjavík var haldið í Hvíta húsið. Nei Hjalti, ég gerði ekkert þannig af mér núna! Þar fór ég inn og sagði við húsráðanda að hann væri fíbbl. Neinei, ég var ekkert harðorð heldur tók til við að tæta og trylla... eða tæta og tryllast... Það var ball í Hvíta húsinu, fyrsta ballið sem ég fer á þar:) OG ekki amalegt ball, Sálin að spila fyrir það fyrsta og auðvitað FSu liðið á staðnum! Hvað get ég sagt? Þegar tveir Eyfellingar koma saman er stuð, og þegar enn fleiri Eyfellingar koma saman er enn meira stuð...:-p Og ég og Alla flippuðum á mínum mælikvarða... Pissuðum á strákaklósettinu og stálum tequila af barnum...:-p Gaurinn á undan okkur á klósstinu var alveg andskoti lengi að pissa, svo við kíktum aðeins inn á milli stafs og hurðar, bara að tsjékka hvort gæinn væri nokkuð dauður þarna inni, en nei, hann var þá að taka e-ð hvítt í nefið úr álpappír... � því kom Einar elskan útaf hinu klósstinu og við fórum þangað í flýti...
Þegar fram var komið og búið að heilsa gæjunum, Sigga, Einari, Eyva og öllum hinum, var tekið til við að dansa og djamma... Og sleikja geirvörturnar á Sigga... Veit ekki hversu oft ég kyssti hann og Einar á ballinu, ansi oft... Þó yfirleitt alltaf á kinnarnar, þær efri, nema þarna þetta með geirvörturnar...:-p Svo mætti hann Ari Steinn á staðinn með brúsann sinn og koss á kinn og við dönsuðum saman heilmikið! Sjitt hvað það var kreisí stemning! Einhverjir gaurar spurðu hvort ég kynni virkilega alla textana utan að, og jú, ég held það barasta... Allavega um leið og ég heyri þá... Fékk líka að heyra frá Óla Landeyingi að ég lifði mig mikið inn í þá... Sem væri bara gott! Jæja, á tímabili fór ég að djamma með Jónasi, Guggu og Tóta, nema hvað, komu ekki tveir gamlir gaurar að dansa við mig, og talandi um Landeyinga, Hann Matthías Landeyingur bjargaði mér alveg frá þeim. Já Hjalti, ég set aldursmörk, 26 er bara innan þeirra:-p
Eftir ballið fór ég út og fann Tóta, Jónas og Guggu því ég var búin að fá far hjá þeim. Við héldum út úr bænum og á hringtorginu spurði ég hvert í ósköpunum þau væru að fara? Gummi (nei ekki hennar Bryndísar, Gummi í Drangshlíð) svaraði: "Hefurðu farið til Grindavíkur? Finnst þér það ekki ljótur staður?" Og svo fóru þau að tala um hvað væri langt á kópasker eða eð álíka! Nújæja, strákarnir sögðust aðeins ætla að kíkja niður í bæ, hvort ég kæmi ekki með? og ég bara, ok, jújú... Samt hálf skrítið fannst mér, en ég var lent í hörkusamræðum við Guggu svo ég pældi ekki meir í því... Ekki fyrr en við vorum komin í bæinn og Tóti fór inn í Hafnarfjörð með Jónas og Guggu, þá komst það upp að þau ætluðu ekkert austur! Ekkert þeirra ætlaði austur, nema ég!!! Svo ég var komin aftur í bæinn... Sjitt hvað ég varð fúl! Ok, þetta er fyndið, en var það ekki þá... En ég hélt mig í bílnum hjá Tóta og Gumma, fór ekki út og labbaði enda dáldið langt... Og við enduðum heima hjá Gumma að borða pulsur, drekka jarðaberjakókódrykkinn sem Tóti bjó til og horfa á Homer, Bart og fjölskyldu til sjö á sunnudagsmorgun...
Ég tók mig nú bara saman í andlitinu og keyrði heim daginn eftir...
Annað merkilegt?
Jú, síminn minn er ónýtur. Yfirkeyrður. Bókstaflega. Og símkortið mitt týnt, svo ég er símalaus... Ætla að kaupa mér kort með sama númeri eins fljótt og ég get, svo ekki gefast upp... Helst bara á morgun... Reyni að líta jákvætt á þetta og segja að ég hefði aldrei tekið almennilega til í símaskránni ef þetta hefði ekki gerst (var komin með fjögurhundruð og e-ð númer, notaði líklega ekki nema helminginn...) en núna þarf ég að fletta upp öllum númerum til að setja þau inn, nú eða spurja... Það er að segja þau númer sem ég ekki kann utan að. En það þýðir að það væri gott að fá símanúmerin ykkar hér í komment.
Takk fyrir.